O Concello de Touro celebrará cos seus veciños e veciñas o próximo domingo, 22 de novembro do 2015, o primeiro aniversario da inauguración da Casa da Cultura, un edificio ubicado na zona de servicios de Fonte Díaz, capital do Concello. A celebración comenzará ás 17.30 horas con Concerto de Música da Banda Isabel II de Touro, na honra de Santa Cecilia. Xa ás 18.15 horas está prevista a presentación dos libros As pontes do río Ulla e Poemas e trobas de Manforote. Estarán presentes os seus autores: o xornalista Henrique Neira e o poeta Manuel Fortes Otero. A continuación procederase á entrega de premios do X Concurso de Fotografía Touro en Imaxes. E xa ás 19.00 comenzará o concerto didáctico de Campo de Estrelas. Na Casa de Cultura, dende ese mesmo día, poderanse visitar ás seguintes exposicións fotográficas: As pontes do río Ulla, Touro en Imaxes e os cadros de punto de cruz de Rosa María Pérez. A Casa da Cultura de Touro acolleu nos 12 meses que pasaron dende a súa inauguración unha intensa actividade cultural e social. Alí celebráronse concertos, representáronse obras de teatro e organizáronse actividades culturais de todo tipo.
Articulos relacionados
O departamento de Cultura de San Sadurniño organiza un programa artístico para a rapazada durante as mañás de xullo
julio 3, 2020 Comments are off 57 visitas
Paula Aneiros é unha fantástica pintora e debuxante, e tamén unha excelente profesora que ...
Comercio abre o prazo este luns para participar nunha campaña de escaparatismo
abril 25, 2021 Comments are off 0 visitas
A iniciativa inclúe un curso de formación previo mais as persoas interesadas se poderán inscribir ...
As irmás Lara e Xiana López Fernández, campioas júnior e alevín de socorrismo
junio 27, 2019 Comments are off 231 visitas
Impresionante actuación das irmás López Fernández no Campionato Galego de Salvamento e Socorrismo de ...